नेपालको कृषि परम्परागत प्रणालीबाट व्यावसायिक तर्फ लम्कदै गर्दा हालको लामो समयको बन्दाबन्दी, विगरका पटक पटकका बन्द, हड्ताल र यातायातमा लागेको रोकावटबाट कृषि क्षेत्रका उत्पादन र उपभोक्ताविचको सञ्जालहरुमा अवरोधहरु आईरहेका छन् । कृषिकहरुले ताजा उपउहरु नष्ट गर्नुपर्ने स्थिति दोहोरी रहेको छ । यस्ता परिस्थितिबाट ज्ञान सिक्दै भविष्यमा यस्ता स्थिति आउन नदिन र आईपरेमा निदान गर्न सक्ने उपायहरु अवलम्बन गर्नुपर्दछ । नेपालमा व्यवसायिक स्तरतर्फ उत्पादन हुदै गरेका फलफूलमा आँप, कटहर, केरा, मेवा, सुन्तला, नास्पाती, स्याउ आदि; तरकारीमा आलु, मूला, हरियो सागपात, गोलभेडा, खोर्सानी, भन्टा, धनिया आदि, मासुका स्रोतमा बोका, खसी, भेडा, कुखुरा, हाँस आदि र दूधमा गाई र भैंसी नै मुख्य छन् । यो लेखमा, यिनै धेरै दीर्घकालीन सञ्चय र प्रयोग विषयमा संक्षिप्त छलफल गरिएको छ । यसमा परम्परागत शैली र आधुनिक प्रविधिको प्रयोगबारे केही सुझावहरु समावेश छन् ।
